Қытайдан — бүкіл Қазақстанға

Басты беттегі «Қытайдағы мекенжайым» бөлімін ашып, өрістерді бір-бірлеп немесе «Барлығын көшіру» батырмасымен көшіріңіз. Сауда алаңының қосымшасында жаңа жеткізу мекенжайын қосып, өрістерді толтырыңыз: алушы, телефон, аймақ, толық мекенжай.

Толық мекенжайдың соңындағы #клиент кодын# өшірмеңіз және өзгертпеңіз. Сауда алаңдары жапсырмада алушының аты мен телефонын жасырады, сондықтан қойма сәлемдемені тек мекенжайдағы код арқылы таниды.

Сатушы тапсырысты жібергенде, басты беттегі «Трек қосу» арқылы Қытай ішіндегі трек нөмірін енгізіңіз. Бұл міндетті емес, бірақ ұсынамыз:

• мекенжайдағы код қате жазылса да, қойма сәлемдемені бірден таниды;
• тауардың атауы мен құнын алдын ала көрсете аласыз — олар кеденге керек.

Толық тізім профильдегі «Тыйым салынған тауарлар» бөлімінде. Көбіне бұлар:

• батареялар, павербанктер;
• сұйықтықтар, аэрозольдер;
• дәрі-дәрмектер, БАД;
• тағам өнімдері;
• тез тұтанатын заттар;
• брендтердің көшірмелері.

Күмәндансаңыз, тапсырыс бермес бұрын қолдау қызметінен сұраңыз. Тыйым салынған тауарлар тоқтатылады немесе жойылады, жеткізу ақысы қайтарылмайды.

Мекенжайда клиент коды жазылмаған немесе қате жазылған болуы мүмкін, сондықтан сәлемдеме иесіздер қатарына түскен.

Алдымен оның трек нөмірін «Трек қосу» арқылы енгізіңіз: нөмір сәйкес келсе, сәлемдеме сізге автоматты түрде тіркеледі.

Болмаса, «Профиль» бөліміндегі «Жоғалған тауарды іздеу» бетін ашып, трек нөмірінің соңғы 4 саны бойынша іздеңіз де, толық трек нөмірімен өтінім жіберіңіз — тексерілгеннен кейін сәлемдеме сізге беріледі. Иесіз сәлемдемелер шектеулі уақыт сақталады, кешіктірмеңіз.

Ештеңе істеудің қажеті жоқ: трек қосқанда ішінде не бар екенін көрсетіңіз — сәлемдемені өлшеп, суретке түсіреміз де, негізгі алушыңызға бірден жібереміз.

Бірнеше сәлемдемені бір қорапқа біріктіру үшін (жалпы есептік салмақ бойынша есептеледі — әдетте арзанырақ) трек қосқанда «Басқа тапсырыстарды күту» қосыңыз. Бәрі келген соң «Тапсырыс» → «Қоймада» бөлімінде «Жіберуге рәсімдеу» батырмасын басып, сәлемдемелерді, алушыны және қызметтерді таңдап, растаңыз.

Ішінде не бар екені көрсетілмесе (немесе трек қосылмаса), қоймаға келген соң хабарлама келеді — оны ашып, бір жолды толтырыңыз, біз жібереміз.

Қосымша қызметтер: ішіндегісін суретке түсіру, қаптаманы күшейту, қаптаманы алып тастау, сақтандыру.

Құны = есептік салмақ × 1 кг бағасы. Бағалар долларда, төлегенде күн бағамы бойынша теңгеге айналдырылады.

• есептік салмақ — нақты және көлемдік салмақтың үлкені, 100 г-ға дейін жоғары дөңгелектенеді;
• көлемдік салмақ (кг) = ұзындығы × ені × биіктігі (см) ÷ 6000;
• 1 кг бағасы бағыт пен қалаға байланысты (Алматы немесе өңірлер).

Өзекті бағалар «Тарифтер» бетінде, құнды «Калькулятор» арқылы алдын ала есептеуге болады. Қосымша қызметтер (қаптаманы күшейту, сақтандыру т.б.) бөлек төленеді.

Сәлемдеме карточкасында төленетін сома шыққаннан кейін төлей аласыз, оның ішінде сәлемдеме жолда болғанда да. Төленбеген сәлемдеме берілмейді.

• төлем «Әмиян» балансынан алынады: баланс долларда, жанында теңгемен көрсетіледі;
• балансты Kaspi.kz немесе FreedomPay (Visa / Mastercard / UnionPay) арқылы толтыруға болады;
• «Балансынан автотөлем» қосулы болса, қаражат жеткенде сәлемдемелер өздігінен төленеді.

Тек қосымшада төлеңіз, ешқашан біреудің жеке картасына ақша аудармаңыз.

ЕАЭО-ның бажсыз әкелу нормасы шегіндегі жеке пайдалануға арналған сәлемдемелерге баж салынбайды — қазір бұл бір сәлемдемеге 200 €-ға дейін.

Норма асып кетсе, қосымша баж бен салық сомасын көрсетеді — оны Қытайдағы қоймадан жіберілгенге дейін төлеу керек. Кейбір сәлемдемелерді рәсімдеу үшін алушының ЖСН-і қажет — оны алушы деректерінде көрсетуге болады.

Қытайдағы қоймадан бөлімшеге дейінгі шамамен мерзім әр бағыт бойынша «Тарифтер» бетінде көрсетілген.

Жіберілгеннен кейін сәлемдеме карточкасында күтілетін жету күні шығады — онда мерекелер мен шекара бекеттерінің жабылуы ескерілген. Сатушыдан біздің қоймаға дейінгі жеткізу сатушыға байланысты және бұл мерзімге кірмейді.

Сәлемдеме бөлімшеге келгенде хабарлама аласыз. «Алу» бөлімін ашып, қызметкерге QR-кодты немесе алу кодын көрсетіңіз — ол сканерлеген соң, сол бөлімшеде сізді күтіп тұрған барлық сәлемдемені береді.

Алмас бұрын жеткізу ақысын төлеу керек. Тегін сақтау мерзімі бөлімше карточкасында көрсетілген, одан кейін ақы алынуы мүмкін. Сәлемдемені алған кезде тексеріңіз.

Әзірге сәлемдемелер тек бөлімшелерде беріледі. Алушыны қосқанда өзіңізге ең жақын бөлімшені таңдаңыз — барлық бөлімше басты беттегі «Бөлімшелер» картасында бар.

Барлық сәлемдеме «Тапсырыс» бөлімінде, мәртебесі бойынша топталған. Сәлемдеме карточкасында оның тарихы мен қоймада түсірілген суреттері бар. Мәртебе өзгергенде push-хабарлама келеді, ол «Хабарлама» бөлімінде де шығады.

Кез келген трек нөмірін тексеру үшін оны басты беттегі іздеу жолағына енгізіңіз.

Сәлемдемені алған кезде тексеріңіз. Мәселесі бар сәлемдемелер «Тапсырыс» бөліміндегі «Мәселелер» тобында көрінеді; қолдау қызметіне бірден жазуға да болады — қоймадағы суреттер мен операциялар журналы бойынша тексереміз.

Біз кінәлі болсақ: сақтандыру рәсімделген болса — жарияланған құнын, сақтандырусыз — жеткізу құнын өтейміз. Ақша әмияныңызға түседі.

Басты беттің оң жақ жоғарғы бұрышындағы құлаққап белгішесін басыңыз (немесе «Профиль» → «Қолдау және көмек»). Жиі қойылатын сұрақтардан жауап таппасаңыз, төмендегі «Кері байланыс» батырмасын басып, бізге жазыңыз.